ОБЛЫСТЫҚ «ЖАСТАР LIFE» РЕАЛИТИ-ШОУ БАЙҚАУЫ

09.10.2024

Ағымдағы жылдың 2- қазан күні Ақтөбе қаласындағы 30238 әскери бөлімінде «Қоғамдық келісім» КММ және де «Ассамблея жастары» РҚБ ұйымдастыруымен облыстық «ЖАСТАР LIFE» атты РЕАЛИТИ-ШОУ байқау өтті. Бұл байқауға қала және аудандадардан келіп, іріктеу кезеңнен іркілмей өткен тепсе темір үзетін 9 жігіт қатысты. «СНПС-Ақтөбемұнайгаз» АҚ атынан МжМӨӨБ-ның операторы Турекенов Айбек Берікұлыда сол жігіттердің қатарында. Жарыстың негізгі мақсаты - Отанға деген сүйіспеншілікті арттыру, сарбаздар арасында салауатты өмір салтын насихаттай отырып, спорттық ойындарды дамыту және достық қарым-қатынасты нығайту, спорттың түрлері арқылы шапшаңдыққа, жылдамдыққа, төзімдікке тәрбиелеу. Шара барысында 30238 әскери бөлімі алаңында әр саланың тізгінін ұстаған 24-35 жас аралығындағы этнос өкілдерінің ер азаматтары уақыт жылдамдығына әскери-спорттық жаттығулар жасады. Әскери алаңда жігіттер спортқа деген қызығушылығын арттырып, достық қарым-қатынас орнатып, командалық топ құрап, әскери патриоттық рухты дамыту аясында әскери өмірге бейімдеу арқылы бақтарын сынады. Әскери көпсайыстың қорытындысы бойынша Айбек мәре сызығын төртінші болып аяқтады. Алдағы уақытта Айбекке жеңістер тілей отырып «СНПС-Ақтөбемұнайгаз» АҚ «Халықаралық «Қазақ тілі» қоғамы» бастауыш ұйымының атынан алғыс білдіреміз. Еңбекте жеміс, отбасыда береке тілейміз. Салауатты өмірдің насихатшысы болып қала беріңіз демекпіз.

«СНПС-АҚТӨБЕМҰНАЙГАЗ» АҚ Халықаралық «Қазақ тілі» қоғамының» бастауыш ұйымының төрағаның орынбасары Н.Нұртазин